Situata urgjente
Nëse kryeni seks pa mbrojtje, jeni në rrezik të ngelni shtatzënë kur nuk e kishit planifikuar.
Jeni në rrezik nëse kryet marrëdhënie seksuale në ditët pjellore tuaja dhe nuk përdorët kontracepsion ose nëse diçka shkoi keq me kontracepsionin.
Çfarë të bëni?
Nëse nuk dëshironi të jeni shtatzënë, keni 2 mundësi:
- Pini pilulën kontraceptive të urgjencës.
- Pajisuni me një pajisje IUD prej bakri të vendosur nga një mjek.
Pilula e urgjencës
Në varësi të markës që zgjidhni, pilula kontraceptive e urgjencës përbëhet nga 1 ose 2 pilula. Pilula kontraceptive e urgjencës quhet edhe “pilula e mëngjesit të nesërm”.
Pilula kontraceptive e urgjencës zvogëlon rrezikun e shtatzënisë pas seksit pa mbrojtje. Pilula kontraceptive e urgjencës ndërpret ose vonon ovulacionin. Mund të ngelni ende shtatzënë nëse ju ka ndodhur ovulacioni. Merreni pilulën kontraceptive të urgjencës sa më shpejt të jetë e mundur pas seksit. Sa më shpejt ta merrni, aq më e madhe është mundësia për të mos ngelur shtatzënë.
Ekzistojnë 2 lloje pilulash kontraceptive të urgjencës:
- Pilula kontraceptive e urgjencës të cilën mund ta pini deri në 3 ditë pas seksit pa mbrojtje. Ekzistojnë marka të ndryshme.
- Pilula kontraceptive e urgjencës EllaOne Mund ta pini këtë pilulë deri në 5 ditë pas seksit.
Pilula kontraceptive e urgjencës nuk është një abortim. Pilula kontraceptive e urgjencës ndërpret ose vonon ovulacionin. Një abortim i jep fund një shtatzënie të vërtetë.
Kontracepsioni
Nëse bëtë seks pa mbrojtje pasi ta keni pirë pilulën kontraceptive të urgjencës, mund të ngelni shtatzënë. Përdorni një prezervativ deri në ciklin tjetër menstrual. Duhet të përdorni prezervativ edhe nëse keni nisur të përdorni një formë tjetër kontracepsioni.
Prisni 5 ditë pasi të pini pilulën kontraceptive të urgjencës EllaOne, para se të filloni të përdorni pilulën kontraceptive, unazën vaginale ose një ngjitës kontraceptiv. EllaOne nuk funksionon siç duhet me këto metoda kontracepsioni.
Kjo do të thotë që pilula kontraceptive e urgjencës është më pak e sigurt sesa metodat e tjera të kontracepsionit. Nëse nevojitet ta merrni shpesh pilulën kontraceptive të urgjencës, mendoni nëse një kontracepsion tjetër mund të jetë më i përshtatshëm për ju.
Albanian